24 dekabr kuni soat 13:00 da Toshkent shahar xalq deputatlari tuman kengashlariga o‘tkazilayotgan saylovni yoritish bo‘yicha yagona matbuot markazida ommaviy axborot vositalari vakillari uchun brifing o‘tkazildi. Bu haqda «O‘zA»ga tayanib «Daryo» xabar berdi.
Brifingda Toshkent shahar saylov komissiyasi raisi H. Karimov bugun soat 6:00 da Toshkent shahrida tashkil etilgan 885 ta saylov uchastkasi ochilganini ma’lum qildi.
Saylovda qatnashayotgan barcha siyosiy partiyalar va o‘zini o‘zi boshqarish organlari Toshkent shahrining 11 ta tumanida tashkil etilgan jami 330 ta saylov okrugiga bittadan nomzod ko‘rsatdi. Ya’ni, poytaxtlik saylovchilar 1650 nafar deputatlikka nomzod orasidan Toshkent shahar tuman kengashlariga 330 nafar deputatni saylaydi.
Brifingda O‘zbekiston fuqarolari saylov jarayonida siyosiy faollik ko‘rsatayotgani ta’kidlandi. Saylovchilar ro‘yxatiga kiritilgan 1 million 560 mingdan ziyod saylovchining 334 mingdan ortig‘i Toshkent vaqti bilan soat 13:00 gacha ovoz berishda qatnashgani ma’lum qilindi. Bu saylovchilar umumiy sonining 20,4 foizini tashkil etadi.
Toshkent shahar saylov komissiyasi raisi keng jamoatchilikni ovoz berish jarayonidan xabardor qilish bo‘yicha navbatdagi brifing soat 17.00 da bo‘lib o‘tishini ma’lum qildi.
Oldinroq O‘zbekiston Prezidenti Shavkat Mirziyoyev saylovda ovoz bergani xabar qilingan edi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shveysariya prezidenti Putinga maktub yo‘lladi
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
AQSHning Suriyadagi harbiy bazasiga raketalar hujum qildi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
