Россия муфтийлари кенгаши Алишер Усмоновни олий мукофот билан тақдирлади » Ўзбекистон янгиликлари – Zamin.uz
22-12-2016 | 20:14 ZAMIN.UZ / Жамият / 22 Декабр 2016
481

Россия муфтийлари кенгаши Алишер Усмоновни олий мукофот билан тақдирлади

Россия муфтийлари кенгаши Алишер Усмоновни олий мукофот билан тақдирлади

Россиялик тадбиркор Алишер Усмонов Россия муфтийлар кенгашининг олий мукофоти бўлган биринчи даражали «Ал-Фаҳр» ордени билан мукофотланди. Усмоновга орденни кенгаш ва Россия мусулмонлар диний бошқармаси раиси Равиль Гайнутдин топширган. Бу ҳақда тадбиркорнинг матбуот хизмати маълум қилди.

Усмонов Россиядаги йирик саховатпеша инсонлардан ҳисобланади. У спорт, маданий, илмий-ўқув лойиҳаларини қўллаб-қувватлайди ҳамда исломнинг диний ва маданий меросини сақлаб қолишда кўмак кўрсатади. Жумладан, тадбиркор Қозондаги Оқ масжид, Татаристондаги Булғор ислом академияси ва Чита жомеъ масжиди қурилишига маблағ ажратган.

«Ўзингни қалбинг билан ҳамоҳангликда ҳис қилиш учун ўз динингда бўлишинг, диндошларингга яқин бўлишинг керак. Мен мусулмонман ва мусулмон фарзандиман – яқин кишиларинг, диндошлар учун яратилаётган хайрли иш, менинг фикримча, ҳаётимизнинг асосий мазмуни ҳисобланади», деб Усмоновнинг айтган сўзларини келтириб ўтган матбуот хизмати.

Усмонов «одамларга яхшилик қилиб, бунинг эвазига ҳеч қандай минатдорчилик кутиш керакмас»лигини таъкидлаб ўтди.

«Россиянинг мусулмон уммати – жамиятнинг давлатимизнинг бирлашиши учун кўмак берадиган, православлик билан доимо осуда бирга яшайдиган қисмидир. Барча россияликлар қандай динга мансублигидан қатъи назар, ягона халқдир», деб айтган Усмонов.

Zamin.uz нинг Telegram’даги расмий каналига обуна бўлиб, янгиликлардан хабардор бўлинг.