АҚШ Президентининг ўғли кичик Дональд Трамп Махфий хизматдан ўзини тун-у кун ҳимоя қиладиган қўриқчиларидан халос этишни сўради. Бу ҳақда CNN телекомпаниясига таяниб, «ТАСС» хабар берди.
Маълумотларга кўра, АҚШ давлат раҳбарининг тўнғич ўғли июнь ойида Багам оролларидаги дам олиш вақтида ўзи ва оиласи бутунлай қўриқланмаслигини сўраган. Махфий хизмат бунга рози бўлмаган, аммо кичик Трамп сўзида қатъий туриб олган. Шундан сўнг Президентнинг ўғли ва унинг оиласи бир неча кун давомида яхтада ўз ҳолига ташлаб қўйилганлиги ҳақида Daryo.uz ёзди.
Эндиликда кичик Трамп агентлардан бир суткада 24 соат қўриқламасликларини сўрамоқда. Унинг талаби қондирилганми ёки йўқ ҳозирча бу ҳақида маълумотлар мавжуд эмас. Махфий хизмат ушбу маълумотни тасдиқламади ҳам, инкор этмади ҳам.
Август ойининг охирида Махфий хизматнинг янги директори Рэндольф Аллес «USA Today» га берган интервьюсида ходимларининг йиллик иш ҳақи фонди тугаганини маълум қилган эди. Минг нафардан ортиқ агентга мўлжалланган йиллик иш ҳақи ҳисоб-китоблардан ошиб кетган. Бунга эса Махфий хизмат 42 кишини қўриқлашига (уларнинг 18 нафари Трамп оиласи аъзолари) тўғри келаётгани сабаб қилиб кўрсатилган.
Барак Обама президентлиги даврида унинг қўриқчилари 31 кишини ташкил этарди. Трамп эса мунтазам равишда дам олиш кунларини Вашингтондан ташқарида, Флорида, Нью-Жерси ва Виржиниядаги гольф-клубларда ўтказади. Унинг катта фарзандлари ҳам иш юзасидан хорижда тез-тез сафар уюштириб туришади. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Велосипедда сайр қилиш учун 3 сабаб: ёшартиради, оздиради ва умрни узайтиради
Германияда мактаб ўқувчилари оммавий равишда ислом динини қабул қилмоқда
Зоир Мирзаев “Телефонсиз мактаб”га 300 млн сўм мукофот берди
Россия дунёдаги биринчи водород ёқилғили автомобилни тақдим этди
Мария Захарова украиналикларни Америка ҳиндуларига ўхшатди
Америкалик олимлар барча учун бирдек фойдали жисмоний фаоллик турини аниқлади
Владимир Путин «Крокус»да содир этилган теракт учун ўч олишга чақирди
“Толибон” Афғонистоннинг Хост вилоятида беш нафар фуқарони қамчи билан жазолади