Тошкент вилояти ИИБ Тергов бошқармасининг “UzNews.uz”га хабар беришича, 2018 йилнинг 16 январь куни соат 08:30 да Ангрен шаҳрида яшовчи 28 ёшли Мадина рашк сабабли ҳамкасбига пичоқ билан ҳужум қилган.
“Ангрен-Ленд” ошхонасида рўй берган бу воқеа ИИБ ходимлари томонидан ўрганилганда, Мадина ошхонада ошпазлик қилиб келгани аниқланган.
Мадина Ярашева рашк оқибатида ўзи билан ишловчи Асрорнинг қорнига, ушбу ошхонанинг полиз экинларини сақлаш хонасида ош пичоғини тиқиб олади.
Асрор Эгамбердиевнинг уяли алоқа аппаратини қўлга олган Мадина Ярашева бегона рақамдан қилинган қўнғироқ ва келган СМС хабар эгаси ким, сен ким билан гаплашяпсан дея рашк қилади ҳамда юзага келган ўзаро тортишув вақтида картошка тозалаш учун қўлига олган пичоқни унга тиқиб олади.
Бу ҳолат, ўзаро ишқий муносабат натижасида рўй берган келишмовчилик дея айтилган бўлса-да, икки ҳамкасбнинг ҳам оилали эканлиги ва ҳаттоки 33 ёшли Асрорнинг бир нафар фарзанди борлиги ҳам таъкидланмоқда.
Ангрен шаҳар марказий касалхонасининг 16 январь кунидаги 13-сонли маълумотномасида, Асрор Эгамбердиевнинг тана, қорин қисмида санчиб-кесилган ва ички аъзолар шикастланиши, ички қон кетиши жароҳатлар борлиги қайд қилинган.
Тошкент вилояти Ангрен шаҳар ИИБ ҳузуридаги Тергов бўлими томонидан далилий ашё сифатида жигарранг ёғоч сопли 1 дона ошхона пичоғи олинган бўлиб ҳозирда ҳолат юзасидан Ўзбекистон Республикаси Жиноят кодексининг 104-моддаси 1-қисми билан жиноят иши қўзғатилган.
Жиноят процессуал кодекс талаби ва тергов сири боис юқорида келтирилган исм-шарифлар ўзгартирилди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди