11 752
Одилхон қори Юнусхон ўғли: “Ҳайит куни уйида таъзия очган ўзига чоҳ қазиган бўлади” (видео)
Ҳайит – мусулмонларнинг энг улуғ, орзиқиб кутилган байрамларидан бири. Рамазон ойи тугагач, Ҳайит намозига чиқилади, барча дўст-биродарлар бир-бирларини бу байрам билан табриклашади. Қариндош-уруғлар, бева-бечоралар ҳолидан хабар олиниб, уларнинг кўнгли овланади, болажонларга ширинликлар улашилиб, қувончларига сабаб бўлинади. Бу кунда барчанинг юзида табассум, кайфиятида кўтаринкилик ва дилида Аллоҳ зикри, шукроналик туйғуси мужассамлашади.
Аммо мана шундай кунда, хонадонидан ўтиб кетган марҳум учун уч кун таъзия очиб, “Марҳум ҳайитлиги” каби бидъат маросимларни ўтказувчилар ҳам топилади. Айнан мана шу мавзуга тўхталар экан, Тошкентдаги “Шайх Зайнобиддин ота” жоме масжиди имом хатиби Одилхон қори Юнусхон ўғли шундай фикр билдирди.
“Бу гапни 21 йилдан буён илтимос қиламан. Мени вазифам етказиб қўйиш: амал қилганга ҳам, амал қилмаганга ҳам Аллоҳ шоҳид. Шундан кейин ҳам ҳайит куни уйида таъзия очса, ҳукумат уч кун ҳайит байрами дегандан кейин ҳам ҳаётида боғламаган белбоғларни белига боғлаб, ҳаётида киймаган дўппиларни сандиқдан олиб, чакмонларни кийиб олиб уйида таъзия очган одам, билиб қўйсин, ўзига чоҳ қазиган бўлади.
Ҳайит куни байрам. Мабодо ўша куни таъзия тўғри келиб қолса, унда майли. Ўшанда ҳам уч кун аза қилинади. Лекин марҳум анча олдин қазо қилган бўлса ва яқинлари “ҳайитликлари” деб аза очиб, шунга бел боғлаб, шунга елкадош бўлиб, ўша азага кириб, ўша ерда Қуръон ўқиган одам динига душманлик қилган одам бўлади. Ҳайитми, ҳайитни байрам қилишсин. Ўша аза эгалари ҳам байрам қилишсин.
Бу ишларни йиғиштирайлик энди... 70 йиллик мустабид даври ўтди. Ўзбекистон мусулмонлари идораси, ҳукумат, оммавий ахборот воситалари, ҳатто президент айтаяпти – энди тўхтатиш керак-да! Бундан ортиқ яна қандай қилиб айтиш керак?”
Манба: Kun.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоир Мирзаев “Телефонсиз мактаб”га 300 млн сўм мукофот берди
Германияда мактаб ўқувчилари оммавий равишда ислом динини қабул қилмоқда
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Россия дунёдаги биринчи водород ёқилғили автомобилни тақдим этди