Ўзбекистон халқаро авто пойгалар, жумладан, Формула-1 мусобақаларининг босқичларини ўтказишга қизиқиш билдирди, деб хабар берди давлат раҳбари матбуот хизмати. Ушбу масала президент Шавкат Мирзиёев ва Халқаро автомобил федерацияси (FIA) раҳбари Муҳаммад бин Сулайем ўртасида муҳокама қилинди.
Учрашув давомида томонлар автоспортни ривожлантириш масалаларини ҳам кўриб чиқдилар. Ўзбекистонлик муҳандислар, механиклар ва пойгачиларни тайёрлаш учун FIA университети жалб этилиши режалаштирилмоқда.
Мирзиёев ва бин Сулайем Ўзбекистонда автоспорт учун замонавий инфратузилма яратиш зарурлигини таъкидладилар. Ўзбекистон 2019-йилдан бери федерация фаолиятида фаол иштирок этиб келмоқда.
Ўтган йили Самарқандда FIA ташкилотининг 120 йиллигига бағишланган юбилей Бош ассамблеяси бўлиб ўтган эди. Жорий йилнинг 12 декабр куни Ҳумо Арена мажмуасида энг яхши пойгачиларни тақдирлаш маросими ўтказилиши режалаштирилган.
Меҳмон гуруҳидаги фойдаланувчилар ушбу мақолага изоҳ қолдира олмайди.
