"Бавария" бош мураббийи Венсан Компани Европа Чемпионлар лигасида PSVга қарши бўладиган учрашув ҳақида фикр билдирди. Бу ҳақда euro-football.ru хабар беради.
Баҳс Нидерландияда, умумий босқичнинг якуний тури доирасида ўтказилади.
"PSVнинг "Наполи" устидан 6:2, "Ливерпул" устидан 4:1 ҳисобидаги ғалабалари жуда ноёб натижа. Кўриниб турибдики, улар ўзига ишонади. Жамоа ҳужумда кучли, қарши ҳужумга жуда тез ўтади, таркибида гол ура оладиган футболчилар бор. Улар "Юнион Сент-Жиллуа"га ҳам ютқазган, лекин биз — "Бавария"миз. Биз кўпроқ "Наполи" ва "Ливерпул" даражасидаги жамоаларга ўхшаймиз, шу боис эртанги ўйинда жуда ҳушёр бўлишимиз керак", — деди Компани матбуот анжуманида.
"Бавария" аллақачон 1/8 финалга тўғридан-тўғри йўлланмани кафолатлаган. PSV эса 22-ўринда бормоқда ва плей-оффнинг дастлабки босқичига чиқиш учун курашни давом эттирмоқда.
“Zamin”ни Telegram'да ўқинг!
