2026 йил 4 январ куни соат 02:27 да (Тошкент вақти билан) АПЛнинг 20-турида “Арсенал” сафaрда “Борнмут”ни 3:2 ҳисобида мағлуб этди. Лондонликлар учрашув давомида икки бор олдинга чиқиб олди ва якунда мезбонларнинг сўнгги босимидаги ҳужумларини ҳам қайтара олди. Бу ҳақда kursiv.uz хабар беради.
Ўйин бошида “Борнмут” рақибнинг ўз жарима майдони яқинидаги хатосидан унумли фойдаланди: Габриэл узатмада адашди, Эванилсон эса бўш дарвозани аниқ нишонга олди. Шундан кейин “Арсенал” тезликни ошириб, кўпроқ ўнг қанот орқали ҳужум қила бошлади ва 18-дақиқада Габриэл вазиятни тўғрилади — Мадуэкенинг узатмасидан кейин Дёкереш зарбаси блокланган тўпни у қайтарди.
Танаффусдан сўнг “канонирлар” рақибни позицион ҳужумлар билан босим остида ушлади. Натижада Райс жарима майдони чизиғидан йўллаган зарбаси билан меҳмонларни олдинга олиб чиқди. Кейин Микел Артета алмаштиришлар орқали ҳужумни кучайтирди ва босим янада ошди: Эдегор жарима майдонида Сакани топди, Сака эса тўпни Райсга оширди — ярим ҳимоячи дубльни расмийлаштириб, ҳисобни 3:1 га етказди.
“Борнмут” уч футболчини бир йўла майдонга тушириб, агрессияни кучайтирди ва тез орада жавоб қайтарди: Крупи Кукдан тўп олиб, узоқ бурчакдаги “тўққизлик”ка аниқ зарба берди. Қолган дақиқалар мезбонлар босими остида ўтди, бироқ “Арсенал” ҳимояда бардош кўрсатди. Шу билан бирга, Петрович ҳам “гилослар”ни бир неча бор қутқарди — хусусан, Меринoнинг узоқ масофадан йўллаган кучли зарбасини қайтарди.
“Zamin”ни Telegram'да ўқинг!
