«Ал-Ҳилол»нинг ўнг қанот ҳимоячиси Жоау Канселу Европага қайтишга яқин турибди. Португалиялик футболчига «Интер» ва «Барселона» қизиқиш билдиришда давом этмоқда. Бу ҳақда euro-football.ru хабар беради.
Инсайдер Фабритсио Романонинг янгиланган маълумотига кўра, миланликлар Канселуни қўлга киритиш учун «Ал-Ҳилол»га Стефан де Врей ёки Франческо Ачербини беришга тайёр. Томонлар бу вариантни аллақачон муҳокама қилиб олган, энди масала футболчининг қайси йўналишни танлашига бориб тақалмоқда.
31 ёшли ҳимоячи эса «Барселона»нинг якуний қарорини кутмоқда. Каталонияликлар яқин кунларда жавоб бериши кутилмоқда, бироқ клуб молиявий чекловлар сабаб ҳатто маошнинг бир қисмини тўлаш шарти билан ижарани ҳам кафолатлай олмаяпти.
Шунга қарамай, бир нарса аниқ: Канселу бу қишда «Ал-Ҳилол»ни тарк этади. Футболчининг ўзи эса афзал манзил сифатида Ла Лига грандига кўчиб ўтишни кўзламоқда.
“Zamin”ни Telegram'да ўқинг!
