Туриннинг «Ювентус» клуби ва Франция терма жамоасининг собиқ ҳужумчиси Давид Трезегъе Аргентинага қайтди. У аввалроқ Буэнос-Айресдаги «Ривер Плейт» сафида ҳам тўп тепган ва жамоа билан Аргентина иккинчи лигасида чемпионликни ҳам қўлга киритган эди. Бу ҳақда euro-football.ru хабар беради.
Эндиликда Трезегъе футболчи сифатида эмас, клуб бошқарув тизимида фаолият олиб боради. «Ривер Плейт» уни раҳбарият иштирокидаги тақдимот маросимида таништирди, бироқ унинг аниқ лавозими ҳозирча очиқланмади.
Маълумотларга кўра, француз мутахассис стратегик масалалар билан шуғулланади ва «Ривер Плейт»ни институционал даражада вакиллик қилади. Эслатиб ўтамиз, Трезегъе футболчилик фаолиятини 2015 йилда якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
