Ясмина Заитова видеолари ортидаги сир очиқланди

Ижтимоий тармоқларда Ясмина иштирокидаги видеоларда нега асосан унинг отаси Нодир Заитов кўриниш бериши кўпчиликни қизиқтириб келмоқда.

Ушбу саволга хонанда интервьюлардан бирида жавоб бериб, видеолар ортидаги ҳақиқий мақсадни тушунтирди.

Унинг айтишича, Ясминанинг онаси ҳам доим улар билан бирга бўлади, бироқ у кўпроқ эстетика ва романтик йўналишни маъқул кўради.

Шу сабабли видеоларда кўпроқ отаси иштирок этади ва улар оддий, табиий услубда тасвирга олинади.

Нодир Заитовнинг таъкидлашича, видеолар профессионал тарзда эмас, оддий телефон орқали суратга олинади.

У ўзини оператор сифатида ишлайди ва барча тасвирларни мустақил равишда ёзиб боради.

Хонанданинг сўзларига кўра, ушбу саҳифа аслида архив сифатида очилган бўлиб, қизининг болалик лавҳаларини сақлаб қолиш мақсад қилинган.

Бироқ вақт ўтиши билан видеолар кутилмаган даражада оммалашиб, кўришлар сони кескин ошиб кетган.