Бавария ёзги трансфер ойнаси учун ўзининг илк харидини деярли якунлади. Клуб Гамбино Старс Африcа академиясидан ижарага олинган ёш ярим ҳимоячи Бара Сапоко Ндиаени тўлиқ трансфер қилишга қарор қилди. 18 ёшли футболчи келаси мавсумдан бошлаб асосий жамоа таркибига жалб этилиши кутилмоқда. Бу ҳақда Goal.com хабар беради.
Ушбу трансфер ташаббускори бош мураббий Винcент Компанй ҳисобланади. Мутахассис футболчини Грасшопперс Зурич жамоасига қарши ўртоқлик учрашувида пайқаб қолган ва унинг иқтидорига юқори баҳо берган. Ндиае 2025-йил давомида Бавария захира ва У19 жамоалари билан машғулотларда қатнашиб, ўзини кўрсатишга муваффақ бўлди.
Апрел ойи ўрталарида Бундеслигадаги дебютини нишонлаган ёш футболчи, жароҳатларга қарамай, аллақачон тўрт марта майдонга тушишга улгурди. Спорт директори Чристопҳ Фреунд футболчининг жамоага тез мослашганини таъкидлаб, унинг майдондаги ва кийиниш хонасидаги ижобий таъсирини алоҳида эътироф этди.
Винcент Компанй Ндиаенинг тезлик кўрсаткичларидан ҳайратда эканини яширмади. Машғулотлар давомида футболчи соатига 36 км тезлик қайд этиб, клуб рекордини ўрнатди. Мураббий унинг келажаги порлоқ эканига ва жамоа ўйинига катта фойда келтиришига ишонч билдирмоқда.
“Zamin”ни Telegram'да ўқинг!
