Арсенал аёллар жамоасининг Англия Суперлигасида чемпионлик учун бўлган умидлари узилди. Брайтон билан меҳмонда кечган баҳсда қайд этилган 1:1 ҳисобидаги дуранг Манчестер Сити жамоасини муддатидан аввал чемпионга айлантирди. Бу натижа орқали Манчестер Сити 10 йиллик танаффусдан сўнг яна Англия тахтига қайтди. Бу ҳақда Goal.com хабар беради.
Ўйин давомида Брайтон футболчилари анча фаол ҳаракат қилишди. Биринчи бўлим охирида Фука Тсунода ҳимоядаги хатодан унумли фойдаланиб, ҳисобни очди. Арсенал бош мураббийи Ренее Слегерц иккинчи бўлимда таркибда ўзгаришлар қилиб, ўйин темпини оширишга уринди.
Иккинчи бўлимда Фрида Маанум Алессиа Руссо билан чиройли комбинация уюштириб, ҳисобни тенглаштирди. Бироқ, ғалаба учун зарур бўлган иккинчи голни уриш Арсеналга насиб қилмади. Стина Блаккстениус, Катие МкКабе ва Бетҳ Меад каби футболчилар майдонга туширилганига қарамай, Брайтон ҳимояси мустаҳкам турди.
Ушбу дуранг Арсеналнинг 13 ўйинлик мағлубиятсиз сериясига чек қўйди. Бир неча кун аввал Европа Чемпионлар лигасидаги юришини тўхтатган Лондон клуби учун бу мавсумдаги навбатдаги оғир зарба бўлди. Шу тариқа, Манчестер Сити расман Англия чемпиони деб эълон қилинди.
“Zamin”ни Telegram'да ўқинг!
