Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага қайтди. У аввалроқ Буэнос-Айреснинг «Ривер Плейт» сафида тўп сурган ва клуб билан мамлакатнинг иккинчи лигасида чемпионликни ҳам қўлга киритган эди. Бу ҳақда euro-football.ru хабар беради.
Эндиликда Трезеге «Ривер Плейт»га футболчи сифатида эмас, балки клуб бошқарувидаги лавозимлардан бирини эгаллаш учун келмоқда. Клуб уни тўлиқ раҳбарият иштирокида махсус тақдимот маросими орқали таништирди.
Трезегенинг «Ривер Плейт»даги аниқ вазифаси ҳозирча очиқланмаган. Шунга қарамай, тақдимотда у стратегик йўналишлар бўйича ишлаши ва клубни институционал даражада вакиллик қилиши маълум қилинди.
Эслатиб ўтамиз, француз футболчи профессионал фаолиятини 2015 йилда якунлаган.
“Zamin”ни Telegram'да ўқинг!
