Немис дарвозабони Марк-Андре тер Штеген "Барселона"ни тарк этиб, "Жирона"га кўчиб ўтди. Каталониядаги янги жамоаси уни илиқ кутиб олди. Бу ҳақда euro-football.ru хабар беради.
Клуб бош мураббийи Мичел эса танлов айнан унинг ташаббуси бўлганини айтди: "Мен уни ўзим танладим, у ҳануз топ дарвозабонлар қаторда", — дея изоҳ берди у.
Мураббий тер Штегеннинг дебютини юқори баҳолаб, унинг оёқда ўйнаши ва майдонни кўра билиши жамоага катта фойда бераётганини таъкидлади. "Мен уни фақат дарвозабон сифатида эмас, балки майдондаги ўйинчи сифатида ҳам таклиф қилгандим", — деди Мичел.
Ҳозирда "Жирона" Испания чемпионати турнир жадвалида 9-ўринда бормоқда. Ла Лиганинг кейинги турида жамоа январ ойининг сўнгги кунида "Овьедо"га қарши майдонга тушади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
