Букаё Сака Арсенал жамоасини Чемпионлар лигаси финалига олиб чиққан ҳал қилувчи голи ва Атлетико Мадрид устидан қозонилган ғалабадан сўнг ўз қувончи билан ўртоқлашди. Эмиратес стадионида кечган баҳсда 24 ёшли футболчи Жан Облакнинг хатосидан унумли фойдаланиб, ўйин тақдирини ҳал қилган ягона гол муаллифига айланди. Бу ҳақда Goal.com хабар беради.
Ўйиндан кейинги интервюда Сака жамоаси эришган натижадан жуда бахтли эканини таъкидлади. Унинг сўзларига кўра, бу ўйин ҳар икки томон учун ҳам юқори босим остида ўтди, аммо Арсенал ўз вазифасини уддалаб, финал йўлланмасини қўлга киритди.
Сака ўзининг 81-голи ҳақида тўхталар экан, бундай вазиятларда доимо ҳушёр бўлиш ва тўпни кутиш муҳимлигини қайд этди. Унинг фикрича, мухлисларнинг стадионга келишидан бошлаб кўрсатган қўллаб-қувватлаши жамоага қўшимча куч бағишлади.
Айни дамда Арсенал нафақат Чемпионлар лигаси финалида, балки Англия Премер-лигаси чемпионлиги учун ҳам кураш олиб бормоқда. Сака жамоа босимга тайёр эканини ва барча эътиборни олдиндаги муҳим ўйинларга қаратишини билдирди.
“Zamin”ни Telegram'да ўқинг!
