Криштиану Роналду мураббий билан келишувга кўра, ОФК Чемпионлар лигаси 2 гуруҳ босқичи учрашувларида майдонга тушмаяпти. Бироқ “Ал-Наср” сардорсиз ҳам барқарор натижа кўрсатмоқда. Бу ҳақда euro-football.ru хабар беради.
Саудия Арабистони клуби чоршанба куни гуруҳдаги бешинчи ўйинида ҳам ғалаба қозонди: Тожикистонда “Истиқлол” 4:0 ҳисобида йирик мағлуб этилди. Шу тариқа “Ал-Наср” гуруҳ босқичини 5 ўйинда 5 ғалаба билан якунлади.
Учрашувдан сўнг Роналду ижтимоий тармоқларда “Ал-Наср”нинг гуруҳни биринчи ўринда тугатиб, кейинги босқичга чиққани ҳақидаги постни репост қилди. Криштиану хабарга икки эмодзи — олов ва қарсак белгиларини қўшди.
Роналду 40 ёшда. Унинг “Ал-Наср” билан амалдаги шартномаси 2027 йил ўрталаригача мўлжалланган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
