"Манчестер Юнайтед" клуби "Милан" ҳужумчиси Рафаэл Леаони ўз сафига қўшиб олиш чораларини кўрмоқда. Инглиз жамоаси трансфер нархини пасайтириш мақсадида ўзининг бир нечта асосий таркиб футболчиларини таклиф қилишга тайёр. Бу ҳақда Goal.com хабар беради.
Ла Газзетта делло Спорт нашри хабарига кўра, манкунианликлар чап қанотни кучайтириш учун Леаони асосий мақсад сифатида белгилаган. Улар ушбу келишувга Мануел Угарте, Маркус Рэшфорд ёки Жошуа Зиркзени киритишни режалаштирмоқда.
"Милан" одатда ўз юлдузлари учун фақат пул талаб қилади. Бироқ, Англия Премьер-лигасида тўп сураётган тажрибали футболчиларни олиш имконияти музокаралар йўналишини ўзгартириши мумкин.
Леаонинг амалдаги шартномаси 2028 йилгача мўлжалланган.
Португалиялик футболчининг шартномасида 175 миллион евролик товон пули кўрсатилган. Шунга қарамай, "Милан" раҳбарияти музокараларни тахминан 50 миллион евро атрофида бошлашга қарши эмас.
26 ёшли вингернинг клуб билан муносабатлари бироз совуқлашган.
Зиркзе варианти "Милан" учун айниқса қизиқарли бўлиши кутилмоқда. Нидерландиялик ҳужумчи Англияга кўчиб ўтишидан олдин ҳам италян клуби эътиборида бўлган.
У жорий мавсумда етарли ўйин амалиётига эга бўлмаяпти.
Рэшфорд ҳозирда "Барселона" сафида ижара асосида тўп сурмоқда ва унинг келажаги сўроқ остида қолмоқда. Угарте эса асосий таркибдан четда қолган ҳамда унинг агенти Хорхе Мендеш мижозига Европадан янги жамоа қидирмоқда.
Агар Леао жамоани тарк этса, "Милан" ҳужум чизиғини қайта қуришига тўғри келади. Клуб келаси мавсум учун "Атлетико" ҳужумчиси Александр Сёрлотни асосий номзодлар қаторига киритган.
“Zamin”ни Telegram'да ўқинг!
