2030 йилги футбол бўйича жаҳон чемпионати финали Испанияда ўтказилиши эҳтимоли юқори. BBC хабарига кўра, бу ҳақда мамлакат футбол федерацияси президенти Рафаэля Лузан маълум қилган. Бу ҳақда euro-football.ru хабар беради.
Мусобақага Испания, Португалия ва Марокаш биргаликда мезбонлик қилади. Турнирнинг илк учта учрашуви эса мусобақанинг 100 йиллиги муносабати билан Уругвай, Аргентина ва Парагвайда бўлиб ўтади.
Лузан Испания кўп йиллардан бери йирик турнирларни юқори савияда ташкил этиб келаётганини таъкидлаб, 2030 йилги мундиалнинг “етакчи мезбони” бўлишини айтди. У финал қайси стадионда ўтказилишини ҳозирча очиқламади.
Аввалроқ Марокаш томони финални Касабланкадаги “Гранд Стад Хассан II”да ўтказишни истаётганини билдирганди. 2028 йилга қадар қурилиши якунланиши кутилaётган арена 115 минг томошабинни сиғдира олиши айтилмоқда. FIFA эса ҳал қилувчи ўйин манзили бўйича ҳозирча расмий изоҳ бермаган.
“Zamin”ни Telegram'да ўқинг!
