Футбол эксперти Александр Точилин «Евро-Футбол.Ru» нашрига берган эксклюзив интервьюсида FIFA президенти Жанни Инфантинонинг Россияга қўйилган бан бўйича фикрлари ҳамда жаҳон ОАВда Халқаро Олимпия қўмитаси (ХОК) яқин орада Россия спортига нисбатан барча санкцияларни бекор қилиши мумкинлиги ҳақидаги хабарларни изоҳлади. Бу ҳақда euro-football.ru хабар беради.
Точилиннинг айтишича, санкциялар олиб ташланиши ҳақидаги гап-сўзлар анчадан бери юрибди ва у бундай сценарий рўй беришига умид қилади. Унинг фикрича, Россиянинг спортдаги изоляциясини тугатиш учун Европа томондан принципиал қарор керак, чунки Россиясиз йирик мусобақаларнинг қизиқиши ва оммабоплиги пасаяди.
Инфантинонинг Россия жамоаларини четлатишни «маъносиз» деб атагани ҳақида сўралганда, Точилин бу баёнотни дунёда вазият ўзгараётгани билан боғлади. У Россияга нисбатан икки стандарт ва бирёқлама ёндашув мавжудлигини таъкидларкан, бан ҳолатини «абсурд» деб ҳисоблаётганлар тобора кўпаяётганини қайд этди.
Эксперт ХОК санкцияларни бекор қилса, бу футболга ҳам таъсир қилиши, FIFA ва УЕФА ҳам қарорларини қайта кўриб чиқиши мумкинлигини айтди. Унингча, ХОК каби йирик тузилманинг биринчи бўлиб қадам ташлаши «занжирли реакция»ни бошлаб беради ва бошқа ташкилотлар ҳам шунга эргашади.
Инфантино келажакда сиёсат сабаб жамоаларни четлатишни қонуний жиҳатдан тақиқлаш кераклигини айтгани борасида эса Точилин спортнинг бош шиори сиёсатдан холи бўлиши экани, Россияга нисбатан қабул қилинган қарорлар эса бу тамойилга зид келаётганини билдирди.
ОАВда FIFA апрел ойидаги конгрессда Россиянинг халқаро турнирларга тўлиқ қайтиши масаласини муҳокама қилиши мумкинлиги ёзилаётгани ҳақида гапирар экан, Точилин агар шундай суҳбатлар кетаётган бўлса, қайтиш эҳтимолини инкор этмади. Унга кўра, бундай маълумотлар «бўш жойдан» чиқмайди.
Шунингдек, Россияга рухсат берилгандан кейин ҳам айрим рақиблар майдонга тушишдан бош тортиши мумкинлиги эслатилганда, Точилин регламентга таяниш кераклигини айтди. Унинг фикрича, қоидабузарликка йўл қўйган томонларга техник мағлубият ёзилиши бошқаларга ҳам сигнал бўлади ва бундай демаршлар охир-оқибат ўзларига зарар келтиришини англатади.
“Zamin”ни Telegram'да ўқинг!
