ПСЖ дарвозабони Матвей Сафоновнинг илк мураббийи Алексей Чистяков россиялик посбоннинг француз клуби сафидаги кетма-кет учинчи ўйинда стартда майдонга тушганига муносабат билдирди. Бу ҳақда euro-football.ru хабар беради.
Лига 1нинг 21-турида ПСЖ ўз майдонида “Марсель”ни 5:0 ҳисобида тор-мор этди. Сафонов учун бу баҳс жорий мавсумда дарвозаси дахлсиз қолган учинчи ўйин бўлди.
“Матвейнинг ПСЖда кетма-кет учинчи марта асосий таркибда ўйнагани — клуб унга катта ишонч билдираётганини англатади. Бу унинг меҳнати ва интилган мақсади натижаси. Баракалла!” — деди Чистяков “Чемпионат”га берган интервьюсида.
Бу мавсум 26 ёшли Сафонов барча мусобақаларда 7 та учрашувда майдонга тушди, 5 та гол ўтказиб юборди ва 3 бор ўз дарвозасини “қуруқ” сақлаб қолди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
