Жаҳоннинг етакчи гроссмейстерларидан бири Фабиано Каруана ўзбек шахмат мактаби ва унинг “олтин авлоди” ҳақида фикр билдириб, мамлакатдаги ёш иқтидорлар тез суръатда ўсиб бораётганини таъкидлади.
Унинг айтишича, Рустам Қосимжонов 2020–2021 йиллар атрофидаёқ ўша даврда жуда ёш бўлган, лекин улкан салоҳиятга эга шахматчилар ҳақида гапира бошлаган. Ҳатто у Нодирбек Ёқуббоевни энг истеъдодли ва энг умидли шахматчилардан бири сифатида кўрган. Каруана бу каби ёш ва кучли шахматчилар ҳақида аниқ прогноз бериш жуда қийин эканини ҳам қайд этди.
У Нодирбек Абдусатторов билан илк марта 2021 йилги рапид жаҳон чемпионатида ўйнаганини эслаб, ўша турнини Нодирбек ғалаба билан якунлаганини таъкидлади. Шу билан бирга, Жавоҳир Синдаров ҳақида 2021 йилда эшитгани, лекин у билан фақат 2023 йилги Grand Swiss турнирида тўқнаш келганини айтди.
Каруана Синдаровнинг ўша пайтда рейтинги унчалик юқори бўлмаган бўлса-да, унинг кучли салоҳиятга эга эканини тезда ҳис қилганини билдирди. Унинг фикрича, Жавоҳир дебютларда бироз ноодатий ва хавфли услубда ўйнаган, бу эса унинг тез орада жиддий рақибга айланишидан дарак берган.
Нодирбек Абдусатторов эса аллақачон жаҳонга танилган шахматчи эканини Каруана алоҳида қайд этди. Унинг олимпиададаги ғалабаси кутилмаган янгилик эмаслигини, балки олдиндан шаклланган натижа эканини айтди.
Лекин Жавоҳир Синдаровнинг Номзодлар турнирида +6 натижа кўрсатиши Каруана фикрича ҳақиқий сенсация ва катта кашфиёт бўлган. У бу натижани бутун шахмат дунёси учун ёрқин сюрприз деб баҳолади.
“Zamin”ни Telegram'да ўқинг!
