PSJ darvozaboni Matvey Safonovning ilk murabbiyi Aleksey Chistyakov rossiyalik posbonning fransuz klubi safidagi ketma-ket uchinchi o‘yinda startda maydonga tushganiga munosabat bildirdi. Bu haqda euro-football.ru xabar beradi.
Liga 1ning 21-turida PSJ o‘z maydonida “Marsel”ni 5:0 hisobida tor-mor etdi. Safonov uchun bu bahs joriy mavsumda darvozasi daxlsiz qolgan uchinchi o‘yin bo‘ldi.
“Matveyning PSJda ketma-ket uchinchi marta asosiy tarkibda o‘ynagani — klub unga katta ishonch bildirayotganini anglatadi. Bu uning mehnati va intilgan maqsadi natijasi. Barakalla!” — dedi Chistyakov “Chempionat”ga bergan intervyusida.
Bu mavsum 26 yoshli Safonov barcha musobaqalarda 7 ta uchrashuvda maydonga tushdi, 5 ta gol o‘tkazib yubordi va 3 bor o‘z darvozasini “quruq” saqlab qoldi.
“Zamin”ni Telegramʻda oʻqing!
