"Ал-Наср" бош мураббийи Жорже Жезуш Криштиану Роналдуннг яқинлашиб келаётган учрашувни ўтказиб юборишига сабаб бўлган қарорни изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида "Аркадаг"га қарши майдонга тушади. Португалиялик юлдуз ҳужумчи тез орада сафга қайтиши кутилаётганди, бироқ бу ўйинда ҳам унинг исми қайдномадан жой олмайди.
Жезушнинг айтишича, жамоанинг зич тақвими боис Роналдо ва асосий таркибдаги бир қатор футболчиларга дам беришга қарор қилинган. Мураббий олдинда "Ал-Фатеҳ"га қарши муҳим баҳс борлигини таъкидлади.
Шунингдек, Жезуш Роналдуннг Саудия Арабистонидан ташқарида ўтадиган ўйинларни тез-тез ўтказиб юбориши янгилик эмаслигини, бу ҳолат аввал ҳам бир неча бор такрорланганини эслатди. Унинг сўзларини Al Nassr Zone келтирди.
Саудия чемпионатининг "Ал-Фатеҳ" – "Ал-Наср" учрашуви шанба куни, 14-февралда бўлиб ўтади.
“Zamin”ни Telegram'да ўқинг!
