Муҳаббат баъзан ҳеч қандай чегара, миллат ёки масофани тан олмайди. Яқинда ана шундай воқеалардан бири ижтимоий тармоқларда кенг муҳокамаларга сабаб бўлди.
Франциялик Мелисса исмли қиз Ўзбекистонга келин бўлди. У Ислом динини қабул қилиб, ўзбек йигит Азизбек билан оила қурди. Икки ёшнинг никоҳ ва тўй маросими 24 апрель куни бўлиб ўтган.
Тўй жараёнидан олинган лавҳалар блогер Шаҳло Зоирова томонидан ижтимоий тармоқдаги саҳифасида улашилди. Ушбу видеолар тез фурсатда фойдаланувчилар орасида тарқалиб, кўплаб изоҳ ва муҳокамаларга сабаб бўлди.
Кўпчилик фойдаланувчилар бу воқеани “ҳақиқий муҳаббатнинг ёрқин намунаси” сифатида баҳолашди, айримлар эса маданиятлар уйғунлиги ва оила қуришдаги жасоратни алоҳида таъкидлашди.
Биз ҳам ёш оилага бахт-саодат, тинчлик, ўзаро ҳурмат ва мустаҳкам оилавий ҳаёт тилаймиз.
