«Марсел» президенти «Ливерпуль»нинг трансфер харажатларини кескин танқид қилди
«Марсел» клуби президенти Стефан Ришар «Ливерпуль»нинг трансфер сиёсатига кескин танқид қилди. Унинг таъкидлашича, инглиз клуби 480 миллион евро сарфлаган бўлса-да, майдондаги натижалар бу харажатларга мос келмаяпти. Ришар катта маблағ сарфлаш муваффақият кафолати эмаслигини таъкидлаб, «Марсел»нинг Чемпионлар лигасида иштирок этиши учун фақат пулга боғлиқ эмаслигини билдирди.
«Марсел» клубининг янги президенти Стефан Ришар ўзининг илк матбуот анжуманида «Ливерпуль» жамоасининг трансфер сиёсатини кескин танқид остига олди. Француз клуби раҳбари инглиз грандининг ўтган ёзги трансфер ойнасидаги фаолиятини самарасиз деб атади. Бу ҳақда Goal.com хабар беради.
Ришарнинг сўзларига кўра, «Ливерпуль» таркибни кучайтириш учун 480 миллион евро сарфлаган бўлса-да, майдондаги натижалар бу харажатларга мос келмаяпти. У катта маблағ сарфлаш ҳар доим ҳам муваффақият кафолати эмаслигини алоҳида таъкидлаб ўтди.
«Марсел» ҳар йили Чемпионлар лигасида иштирок этиши ва Франция чемпионатида кучли учликдан жой олиши шарт. Бироқ бу фақат пулга боғлиқ эмас.
«Ливерпуль» каби клублар 480 миллион евро инвестиция киритиб, якунда катта умидсизликка дуч келмоқда», — деди Ришар.
Эслатиб ўтамиз, «Ливерпуль» ўтган ёзда Флориан Виртц, Александр Исак ва Уго Экитике каби иқтидорли футболчиларни ўз сафига қўшиб олган эди. Ушбу харидларни молиялаштириш учун клуб Луис Диас ва Дарвин Нунес каби етакчиларини сотиб юборган.
Ҳозирда «Марсел» клубининг ўзида ҳам жиддий ўзгаришлар юз бермоқда. Собиқ президент Пабло Лонгория ва бош мураббий Роберто Де Зерби жамоани тарк этганидан сўнг, Ришар клуб бошқарувини ўз қўлига олди.
Изоҳлар 0
…