Мадриднинг «Реал» клуби бош мураббийи Альваро Арбелоа Чемпионлар лигасида «Бенфика»га қарши бўладиган баҳс арафасида фикр билдирди. Бу ҳақда euro-football.ru хабар беради.
Мутахассис Лиссабонда жамоасидан максимал даражадаги ўйин кутаётганини таъкидлади: «Биз у ерда юқори савияда футбол кўрсатишимиз керак. Осон бўлмаслигини яхши биламиз. Сешанба куни ғалаба учун бор кучимизни беришимиз шарт», — дея Арбелоанинг сўзларини The Touchline келтиради.
Эслатиб ўтамиз, Чемпионлар лигаси умумий босқичининг сўнгги турида «Реал» сафарда «Бенфика»га 2:4 ҳисобида ютқазганди ва бу натижа португалияликларнинг плей-оффга чиқишига ёрдам берган.
Чемпионлар лигаси плей-офф саралаш босқичидаги «Бенфика» — «Реал» жуфтлигининг илк учрашуви 17 февраль куни бўлиб ўтади. Старт ҳуштаги 01:00 да (Тошкент вақти билан) янграйди.
“Zamin”ни Telegram'да ўқинг!
