Madridning «Real» klubi bosh murabbiyi Alvaro Arbeloa Chempionlar ligasida «Benfika»ga qarshi bo'ladigan bahs arafasida fikr bildirdi. Bu haqda euro-football.ru xabar beradi.
Mutaxassis Lissabonda jamoasidan maksimal darajadagi o'yin kutayotganini ta'kidladi: «Biz u yerda yuqori saviyada futbol ko'rsatishimiz kerak. Oson bo'lmasligini yaxshi bilamiz. Seshanba kuni g'alaba uchun bor kuchimizni berishimiz shart», — deya Arbeloaning so'zlarini The Touchline keltiradi.
Eslatib o'tamiz, Chempionlar ligasi umumiy bosqichining so'nggi turida «Real» safarda «Benfika»ga 2:4 hisobida yutqazgandi va bu natija portugaliyaliklarning pley-offga chiqishiga yordam bergan.
Chempionlar ligasi pley-off saralash bosqichidagi «Benfika» — «Real» juftligining ilk uchrashuvi 17 fevral kuni bo'lib o'tadi. Start hushtagi 01:00 da (Toshkent vaqti bilan) yangraydi.
“Zamin”ni Telegramʻda oʻqing!
