Каталониянинг “Барселона” жамоаси Испания чемпионатида навбатдаги мағлубиятини қабул қилди — бу сафар уларни дербида “Жирона” таслим этди. Бош мураббий Ханси Флик ўйиндан кейин жамоанинг ҳозирги ҳолатидан норози эканини яширмади. Бу ҳақда euro-football.ru хабар беради.
Немис мутахассис вазиятни очиқчасига инқироз деб атади. Унинг эслатишича, ўтган ҳафта “Барселона” Испания Кубогида Мадриднинг “Атлетико”сига йирик ҳисобда ютқазганди — 0:4.
“Ҳаммаси жойида эмас, биз инқироздамиз. Олдинда бир ҳафта бор — қаттиқ ишлаймиз ва ечим топишга ҳаракат қиламиз. Балки бизга бошқа менталитет, бошқа даража керакдир. Биз албатта яхшироқ ўйнашимиз шарт”, — дея Фликнинг сўзларини клуб расмий сайти келтирди.
Ушбу натижадан сўнг “Барселона” Испания чемпионати турнир жадвалида пешқадамликни бой берди.
“Zamin”ни Telegram'да ўқинг!
