Футбол мухлислари учун қизиқарли таҳлил тақдим этилди. ESPN телеканали экспертлари томонидан тузилган янги рейтингда дунё футболининг энг томошабинбоп, яъни ўйини билан мухлисларни жалб қила оладиган жамоалари аниқланди.
Мазкур рўйхатда Мюнхеннинг «Бавария» ҳамда Каталониянинг «Барселона» клублари энг юқори баҳога лойиқ кўрилди. Ҳар икки жамоа 9,6 балл тўплаб, рейтингнинг биринчи поғонасини бўлишиб олди. Уларнинг ҳужумкор услуби, юқори темпдаги ўйини ва томошабоп ҳаракатлари экспертлар томонидан юқори баҳоланди.
Иккинчи ўрин эса 9,5 балл билан Мадриднинг «Реал» жамоасига насиб этди. «Қироллик клуби» ҳам ўзининг натижадор ва динамик ўйини билан доим мухлислар эътиборини тортиб келмоқда.
Шунингдек, кучли ўнталикдан Франция ва Германия клублари ҳам муносиб ўрин олди. Жумладан, ПСЖ, «РБ Лейпциг» ва «Ланс» жамоалари ўзининг тезкор ва ҳужумга йўналтирилган ўйини билан ажралиб турди. Англия ва Италия грандлари — «Манчестер Юнайтед», «Монако», «Интер» ҳамда «Ювентус» ҳам ушбу нуфузли рўйхатга киритилди.
Маълум қилинишича, рейтинг махсус таҳлил алгоритми асосида шакллантирилган. Унда жамоаларнинг кучли рақибларга қарши ўйин самарадорлиги, ҳимоядаги босим ва шиддат, узатмаларнинг вертикаллиги ҳамда умумий ўйин сифати каби кўрсаткичлар инобатга олинган.
Қисқаси, бу рейтинг замонавий футболда қайси жамоалар нафақат натижа, балки эстетика ва томошабоплик борасида ҳам етакчи эканини яққол намоён қилди.
