Амстердам яқинидаги MatchWornShirt омборида дунёнинг энг машҳур футболчилари майдонга тушган либослар коллекцияси сақланмоқда. Бу ерда Криштиану Роналду «Реал Мадрид»да, Лионель Месси эса «PSJ»да кийган футболкаларни учратиш мумкин. Шунингдек, «Атлетико» ҳужумчиси Хулиан Алвареснинг яқиндаги ўйиндан сўнг лой ва ўт излари билан қолган либоси ҳам аукционга тайёрланмоқда. Бу ҳақда Goal.com хабар беради.
Компания асосчиси Тиймен Зондервейкнинг сўзларига кўра, ҳар бир либос ўзига хос тарихга эга санъат асари ҳисобланади. Масалан, Усмон Дембеленинг «Ливерпуль»га қарши ўйинда кийган футболкаси 2 000 фунт стерлингдан бошланадиган аукционга қўйилган. 2022 йилги Жаҳон чемпионатида Френки де Йонгнинг либоси 11 000 еврога сотилиб, платформа рекордини ўрнатган эди.
2026 йилги Жаҳон чемпионати давомида компания фаолияти янада кенгайиши кутилмоқда. Англия, Португалия, Германия ва АҚШ каби 13 та расмий hamkor терма жамоалар ўз либосларини тақдим этади. Ўйинлардан сўнг либослар Далласдаги марказга юборилади ва у ерда мутахассислар томонидан ҳақиқийлиги текширилади.
Қизиқарли жиҳати шундаки, ҳар бир либос махсус «DNK йўқотувчи» ускунадан ўтказилади. Бу технология футболчиларнинг шахсий маълумотларини ҳимоя қилиш мақсадида «Реал Мадрид» клуби талаби билан жорий этилган. Бу усул либоснинг ўйин пайтидаги ҳолатига зарар етказмаган ҳолда, ундаги биологик изларни бутунлай тозалайди.
“Zamin”ни Telegram'да ўқинг! 
