Мадриднинг “Реал” жамоаси мураббийи Альваро Арбелоа ярим ҳимоячи Арда Гўлер ҳақида фикр билдириб, унинг майдондаги роли жамоага катта фойда бераётганини таъкидлади. Бу ҳақда euro-football.ru хабар беради.
20 ёшли туркиялик футболчи сешанба куни Чемпионлар лигасида “Бенфика”га қарши учрашувда (1:0) 86 дақиқа ҳаракат қилиб, “қаймоқранглилар”нинг ғалабасига ҳисса қўшди.
“Арданинг сифатлари бизга жуда асқотади: у ярим ҳимоя билан ҳужумни боғлаб беради. У ўзига хос, ягона турдаги футболчи. Жамоа учун ниҳоятда муҳим, энди унинг ўзига ишончини янада мустаҳкамлаш устида ишлашимиз керак. Шундай ўйинлар унга ўсиш учун ёрдам беради. Мен Гўлердан фахрланаман”, — дея Арбелоанинг сўзларини келтиради Madrid Universal.
Жорий мавсумда Гўлер “Реал” сафида 37 ўйинда майдонга тушиб, 3 гол ва 12 ассист қайд этган.
“Zamin”ни Telegram'да ўқинг!
