«Реал» ҳужумчиси Винисиус Жуниор жамоадоши Килиан Мбаппега алоҳида миннатдорлик билдирди. ESPN Deportes хабарига кўра, бразилиялик футболчи франсуз ҳужумчининг сешанба куни унга майдонда ҳам, майдон ташқарисида ҳам кўрсатган қўллаб-қувватлашини юқори баҳолаган. Бу ҳақда euro-football.ru хабар беради.
Қайд этилишича, «Реал» клуби Лиссабондаги шов-шувли ўйиндан кейин Винисиусни тўлиқ қўллаб-қувватламоқда.
Эслатиб ўтамиз, Винисиус «Бенфика» футболчиси Жанлука Престианнини ирқчилик руҳидаги ҳақоратда айблаган. Лиссабон клуби вакиллари эса бу эътирозларни рад этган. Мбаппе эса учрашувдан сўнг Престианнига ўхшаганларга Чемпионлар лигасида ўрин йўқлигини таъкидлаган.
Учрашувда «Реал» сафарда «Бенфика»ни 1:0 ҳисобида мағлуб этди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
