ПСЖ бош мураббийи Луис Энрике ҳужумчи Усмон Дембеле олган жароҳат юзасидан изоҳ берди. Бу ҳақда euro-football.ru хабар беради.
28 ёшли футболчи Чемпионлар лигасида «Монако»га қарши ўйинда шикастланиб, 27-дақиқадаёқ майдонни тарк этишга мажбур бўлганди. Кутилишича, жамоа етакчиларидан бири шанба куни Лига 1 доирасида «Метс»га қарши баҳсни ўтказиб юборади.
«Дембеле жароҳат олди. Биз футболчиларимизни жуда яхши биламиз. Ёндашувимиз оддий: биз ҳеч қачон ҳеч кимни таваккал қилмаймиз, имкони борича ҳар бир ўйинчининг саломатлигини асрашга ҳаракат қиламиз. Аммо бундай юқори даражадаги футболда жароҳатлар ўйиннинг бир қисми», — деди Энрике матбуот анжуманида.
ПСЖ — «Метс» учрашуви 01:05 да (Тошкент вақти билан) бошланади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
