Португалиянинг «Бенфика» клуби вингери Жанлука Престианининг Мадриднинг «Реал»ига қарши ўйинда кийган футболкаси аукционга чиқарилди. Европа Чемпионлар лигаси доирасидаги 17 февраль куни бўлиб ўтган илк учрашувда «Реал» 1:0 ҳисобида ғалаба қозонган, баҳс эса Престианининг ирқчилик бўйича билдирган эътирозлари билан ҳам ёдда қолган. Бу ҳақда euro-football.ru хабар беради.
Ушбу футболка «Бенфика»нинг расмий ҳамкори саналадиган Match Worn Shirt платформаси орқали сотувга қўйилди. Ҳозирча харид учун 46 та таклиф келиб тушган, энг юқори нарх 1 минг еврони ташкил қилмоқда.
Аргентинанинг «Велес Сарсфилд» академияси тарбияланувчиси Престиани 2024 йилдан бери «Бенфика» сафида тўп суради. Жорий мавсумда у 30 учрашувда майдонга тушиб, 2 та гол урди ва 2 та голли узатма амалга оширди.
“Zamin”ни Telegram'да ўқинг!
