Россиялик собиқ футболчи Александр Мостовой ПСЖ дарвозабони Матвей Сафоновнинг ўйини ҳақида фикр билдирди. Унинг айтишича, Сафонов Париж клубида берилган имкониятдан фойдаланишга ҳаракат қилмоқда, бироқ жамоанинг юқори даражаси фонида дарвозабон фаолиятига аниқ баҳо бериш осон эмас. Бу ҳақда euro-football.ru хабар беради.
Мостовой ПСЖ каби жамоада дарвозабоннинг иш ҳажми кам бўлиши мумкинлигини таъкидлади: бир ўйинда рақиб дарвозага атиги бир-икки марта зарба йўллайди, бошқа клубларда эса дарвозага 20 марталаб зарба бўлиши эҳтимол. Шунинг учун, унинг фикрича, хулоса чиқариш қийин, истаса ҳар доим айб топиш мумкин.
Чоршанба куни ПСЖ Чемпионлар лигасида ўз майдонида “Монако” билан 2:2 ҳисобида дуранг ўйнади. Икки ўйин натижасига кўра парижликлар 5:4 ҳисобида устун келиб, 1/8 финалга йўл олди. Бу босқичда ПСЖнинг рақиби “Барселона” ёки “Челси” бўлади.
“Zamin”ни Telegram'да ўқинг!
