28 апрелда Chevrolet Cobalt учун онлайн шартнома очилади
28 апрель куни соат 10:00 дан бошлаб Chevrolet Cobalt автомобилининг барча комплектациялари учун онлайн шартнома бериш жараёни бошланади. Харидорлар шартномаларни UzAutoSavdo сайти, мобил иловаси, Telegram боти ёки дилерлик марказлари орқали масофавий тарзда расмийлаштиришлари мумкин. Расмийлаштирилган шартномалар бўйича тўловларни 7 календарь куни ичида амалга ошириш талаб этилади. Белгиланган муддатда тўлови бажарилмаган шартномалар автоматик равишда бекор қилиниши ҳақида огоҳлантирилган.
Ўзбекистонда Chevrolet Cобалт автомобилларига бўлган юқори талабни инобатга олган ҳолда, 28 апрель куни соат 10:00 дан бошлаб барча комплектациялар учун онлайн контрактация жараёни йўлга қўйилади. Мижозлар ушбу модель учун шартномаларни масофавий тарзда расмийлаштириш имкониятига эга бўладилар.
Автомобиль харид қилиш истагида бўлган фуқаролар шартномаларни UzAutoSavdo сайти орқали онлайн тарзда ёки расмий дилерлик марказларига бевосита мурожаат қилган ҳолда олишлари мумкин. Шунингдек, UzAvtoSavdo мобил иловаси ва махсус Telegram бот хизмати орқали навбатларни кузатиш ҳамда сотувда мавжуд бўлган автомобиллар ҳақида тезкор маълумотларни олиш имконияти яратилган.
Компания томонидан тақдим этилган маълумотларга кўра, расмийлаштирилган шартномалар бўйича тўловлар 7 календарь куни ичида амалга оширилиши шарт. Белгиланган муддатда тўлови амалга оширилмаган шартномалар бекор қилиниши кўзда тутилган.
Изоҳлар 0
…