Бавария жамоасининг юлдузли ярим ҳимоячиси Жамал Мусиала автомагистралда содир этилган юқори тезликдаги йўл-транспорт ҳодисаси сабабли ҳайдовчилик гувоҳномасидан маҳрум этилди. Германия терма жамоаси аъзоси ўзининг юқори қувватли электр спорт автомобилида тўқнашув содир этган ва бу жиддий ҳуқуқий оқибатларга олиб келган. Бу ҳақда Goal.com хабар беради.
Воқеа 2025-йил 13-апрель куни Мусиала А8 автобанида Залцбург йўналиши бўйлаб ҳаракатланаётганида юз берган. Бавария ярим ҳимоячиси 600 от кучига эга Audi RS э-трон GT русумли автомобилни бошқарган. Мюнхен прокуратураси вакили Флориан Линдеманннинг сўзларига кўра, футболчи қувиб ўтиш маневрини амалга ошираётганда ўнг томондаги машинани пайқамай қолган ва тўқнашув юзага келган.
Текширувлар натижасида Жамал Мусиала соатига 120 км чеклов ўрнатилган ҳудудда 194 км/соат тезликда ҳаракатлангани маълум бўлди. Тўқнашув оқибатида ВВ Гольф русумли автомобилдаги икки нафар йўловчи енгил жароҳат олган. Ҳодиса натижасида етказилган умумий моддий зарар миқдори қарийб 200 000 еврога баҳоланмоқда.
Мюнхен туман суди 23 ёшли футболчига нисбатан эҳтиётсизлик оқибатида йўл ҳаракати хавфсизлигига таҳдид солиш ва тан жароҳати етказиш айби билан жазо чорасини белгилади. Челси академияси тарбияланувчиси ҳисобланган Мусиала нафақат катта миқдорда жарима тўлайди, балки унинг ҳайдовчилик ҳуқуқи ҳам бекор қилинди.
Proкуратура вакилининг аниқлик киритишича, Жамал Мусиала камида тўққиз ой давомида рулга ўтира олмайди. Янги ҳайдовчилик гувоҳномаси унга фақат куз фаслига келибгина берилиши мумкин. Ҳозирча футболчининг вакиллари ушбу ҳолат бўйича расмий изоҳ беришган ва суд қарори қонуний кучга кирганини тасдиқлашган.
“Zamin”ни Telegram'да ўқинг!
