PSJ ҳимоячиси Ачраф Ҳакими Чемпионлар лигаси финали олдидан бош мураббий Луис Энриқуе томонидан жамоада амалга оширилган улкан ўзгаришларни юқори баҳолади. Марокашлик юлдузнинг таъкидлашича, мураббий келганидан сўнг клуб ичидаги менталитет бутунлай ўзгарган ва футболчилар ўзаро жипслашган оилага айланган. Бу ҳақда Goal.com хабар беради.
Луис Энриқуе қўл остида PSJ кетма-кет уч марта Лига 1 чемпионлигини қўлга киритди ва ўтган мавсумда Чемпионлар лигаси ғолибига айланди. Ачраф Ҳакими Sky Sport нашрига берган интервюсида мураббийнинг таъсири ҳақида шундай деди: "Луис Энриқуе PSJда ҳамма нарсани ўзгартирди. У келганидан бери барчанинг фикрлаши ўзгарди: энди биз ҳақиқий жамоамиз, бир-биримиз учун ўйнаймиз ва майдонда бир-биримиз учун югурамиз. Бундай муҳитда ўйнаш анча осонроқ".
Шунингдек, парижликлар учун хушхабар келди: жароҳатидан тикланган Ачраф Ҳакими Арсенал жамоасига қарши бўладиган финал баҳсида иштирок этишга тўлиқ тайёр. Луис Энриқуе матбуот анжуманида барча футболчилар, жумладан Ҳакими ҳам сафга қайтганини ва Будапештдаги ҳал қилувчи ўйинга жиддий тайёргарлик кўрилаётганини тасдиқлади.
Маълумот учун, Ачраф Ҳакими жорий мавсумда 31 та ўйинда майдонга тушиб, 3 та гол ва 9 та ассист муаллифига айланди. У 2021-йилда Интер клубидан 68 миллион евро эвазига Парижга кўчиб ўтган эди. Эндиликда у ўзининг собиқ жамоаси Реал Мадрид тарбияланувчиси сифатида навбатдаги нуфузли совринни қўлга киритишни мақсад қилган.
“Zamin”ни Telegram'да ўқинг!
