Issiq kunlarda konditsioner ko‘pchilik uchun eng qulay vositalardan biri hisoblanadi. Biroq mutaxassislarning aytishicha, uning ostida uzoq vaqt o‘tirish ayrim sog‘liq muammolariga sabab bo‘lishi mumkin.
Eng ko‘p uchraydigan holatlardan biri shamollash va mushaklarda og‘riq paydo bo‘lishidir. Sovuq havo oqimi bo‘yin, bel yoki yelka qismiga to‘g‘ridan-to‘g‘ri urilganda mushaklar taranglashishi mumkin.
Shuningdek, konditsioner havosi xonadagi namlikni kamaytirishi sabab teri qurishi, ko‘z achishishi yoki tomoq qurishi kuzatiladi. Ayrim insonlarda bosh og‘rig‘i va holsizlik hissi ham paydo bo‘lishi mumkin.
Mutaxassislar konditsioner haroratini tashqi muhitdan juda keskin farq qilmaydigan darajada ushlashni tavsiya qiladi. Shuningdek, havo filtrlari muntazam tozalanmasa, chang va bakteriyalar tarqalishi xavfi ham ortadi.
“Zamin”ni Telegramʻda oʻqing!
