Sabzi foydali sabzavotlardan biri bo‘lib, u ayniqsa ko‘z salomatligi bilan bog‘liq mahsulot sifatida tanilgan. Ko‘pchilik sabzi ko‘rish qobiliyatini yaxshilaydi degan fikrni eshitgan. Mutaxassislarning aytishicha, bu gapda haqiqat bor.
Sabzi tarkibida beta-karotin moddasi ko‘p bo‘ladi. Organizm ushbu moddani A vitaminiga aylantiradi. Aynan A vitamini ko‘z to‘r pardasi faoliyati va qorong‘ida ko‘rish qobiliyati uchun muhim hisoblanadi. Shu sabab organizmda bu vitamin yetishmasa, ko‘rish bilan bog‘liq muammolar paydo bo‘lishi mumkin.
Biroq shifokorlar sabzi mo‘jizaviy mahsulot emasligini ham ta’kidlashadi. Agar insonda jiddiy ko‘z kasalligi yoki genetik muammo bo‘lsa, faqat sabzi iste’mol qilish orqali ko‘rishni tiklab bo‘lmaydi. Sabzi ko‘proq ko‘z salomatligini qo‘llab-quvvatlashga yordam beradi.
“Zamin”ni Telegramʻda oʻqing!
