Bugun Axborot va ommaviy kommunikatsiyalar agentligida OAV xodimlari uchun navbatdagi brifing bo‘lib o‘tdi. Bu safargi tadbirda O‘zbekiston Respublikasi Bosh prokuraturasi huzuridagi Majburiy ijro byurosi rahbar xodimlarining o‘tgan besh oy davomida tizimda amalga oshirilgan ishlar yuzasidan axboroti eshitildi.
Tadbirning kirish qismi tugab, savol-javobga o‘tilishi hamono quyidagi so‘rov tashlandi. Ya’niki, yaqinda ijtimoiy tarmoqlarda ovozi Farg‘ona viloyat hokimi Shuhrat G‘aniyevniki deyilgan audioyozuv tarqalib, unda amaldor MIB Farg‘ona viloyati boshqarmasi boshlig‘iga ochiqdan ochiq «ichangni sug‘urib, boshingga salla qilvoraman!» mazmunida tahdid qilgani anglashiladi.
Oddiy fuqaro MIB xodimi talabiga bo‘ysunmasa yoki qarshilik qilsa, haqli ravishda javobgarlikka tortiladi. Viloyat hokimiga-chi? U ko‘pchilik oldida MIBning mas’uliga nisbatan mahalliychilik qilib (MIB viloyat boshqarmasi rahbarini «Toshkent shahri fuqarosi» deydi), kamiga haqoratomuz tahdidiga nisbatan huquqiy ta’sir chorasi qo‘llanildimi?
Majburiy byuro ijrosi direktorining o‘rinbosari Sodiqjon Berdialiyevning javobi quyidagicha bo‘ldi: «Biz viloyat hokimi bilan bog‘lanib, kerakli ma’lumot taqdim etdik. G‘aniyev internetda eski gaplar chiqib ketgani, hozirda byuroning viloyatdagi rahbari bilan munosabatlari yaxshi ekanini aytdi. Biz bu borada hokimga chora ko‘rish bo‘yicha hech qayerga murojaat qilmaganmiz. Shu jumladan, Farg‘ona viloyati MIB boshlig‘i ham da’vo qilgani yo‘q...»
Da’vo yo‘q ekan, demak, hokim uchun muammo ham yo‘q.
Ikki yil avval Farg‘ona viloyati hokimi katta majlisda toshloqliklarni yoppasiga «haromi» deb so‘kkan edi. O‘shandayam amaldorga nisbatan huquqiy ta’sir chorasi qo‘llanmagandi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
Mariya Zaxarova ukrainaliklarni Amerika hindulariga o‘xshatdi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Uchar avtomobil yo‘lovchi bilan birinchi parvozini amalga oshirdi (video)
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Amerikalik olimlar barcha uchun birdek foydali jismoniy faollik turini aniqladi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi