55 mln so‘m miqdorida qalbaki pullarni muomalaga kiritmoqchi bo‘lgan shaxslar ushlandi

^{Foto: Toshkent viloyati IIB}
Toshkent viloyatida 100 ming so‘mlik kupyuralarni tayyorlab, ularni muomalaga kiritmoqchi bo‘lgan shaxslar qo‘lga olindi, deya xabar bermoqda viloyat IIB matbuot xizmati.

Qayd etilishicha, 2021 yilning 10 fevral kuni Toshkent viloyati IIBB Uyushgan jinoyatchilikka qarshi kurashish bo‘limi hamda Toshkent tumani IIB tezkor xodimlari tomonidan o‘tkazilgan tadbir davomida qiymati 55 millionga yaqin qalbaki 100 ming so‘mlik kupyuralarni muomalaga kiritmoqchi bo‘lgan shaxslar jinoyat ustida qo‘lga olingan.

Tafsilotlarga ko‘ra, Toshkent shahrida yashovchi 1991 yilda tug‘ilgan F.R. tanishlari 1997 yilda tug‘ilgan J.T. va A.A. bilan birgalikda noqonuniy ravishda qalbaki pullarni yasab, ularni muomalaga kirgizish maqsadida tayyorlaganida tezkor xodimlar tomonidan daliliy ashyolar bilan ushlangan.

^{Foto: Toshkent viloyati IIB}
Tadbir davomida ushlangan shaxslardan 58 dona kesilgan, 490 dona qog‘ozda tayyorlanib, kesilmagan qalbaki 100 ming so‘mlik kupyuralar, rangli printer, 2 quti maxsus qog‘ozlar, pichoq va boshqa buyumlar daliliy ashyolar sifatida olingan.

Mazkur holat yuzasidan ushlangan shaxslarga nisbatan Toshkent tumani IIB TB tomonidan Jinoyat kodeksining 176-moddasi 2-qismi (ko‘p miqdorda qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilgan.

pic.twitter.com/mF8CFSLpmY

— Shukhrat (@bankir2102) February 24, 2021

“Zamin” yangiliklarini “Twitter”da kuzatib boring