Bundesliganing 19-turida «Freiburg» va «Koln» ishtirokidagi uchrashuv voqealarga boy kechdi. Bu haqda euro-football.ru xabar beradi.
Mehmonlar 10-daqiqada hisobni ochdi: Maks Rozenfelder to‘pni o‘z darvozasiga kiritib yubordi. Biroq «Freiburg» darhol javob qaytardi — Yuito Sudzuki hujumni keskinlashtirib, Derri Sherhantni qulay vaziyatga chiqardi va u darvozabon ustidan oshirib urib hisobni tenglashtirdi (1:1). Tanaffus oldidan, 44-daqiqada mezbonlar oldinga chiqdi — Igor Matanovich Mattias Ginter uzatmasini golga aylantirdi (2:1).
Ikkinchi bo‘lim o‘rtalarida «Koln» jarima maydonida Alessio Kastro-Montesning qo‘l bilan o‘ynagani uchun «Freiburg» foydasiga penalti belgilandi. 11 metrdan Matanovich zarba berdi, ammo darvozabon to‘pni qaytarib, uni burchak zarbasiga chiqarib yubordi.
Ushbu g‘alaba «Freiburg»ni turnir jadvalida 7-o‘ringa ko‘tardi, «Koln» esa 10-o‘rinda qoldi.
“Zamin”ni Telegramʻda oʻqing!
