Fransiya chempionatining 19-turida PSJ safarda "Oser"ni 1:0 hisobida mag'lub etdi. Uchrashuvdagi yagona golni o'yin yakuniga yaqin qanot hujumchisi Bredli Barkola urdi. Bu haqda euro-football.ru xabar beradi.
Bahsdan so'ng himoyachi Ilya Zabarniy natija va jamoaning o'yini borasida fikr bildirdi.
"Jamoa raqibni oxirigacha siqib qo'yishiga ishondi. PSJ hech qachon to'xtamaydi va o'z ishini qiladi — bu bizning asosiy kuchimiz. Hisob qanday bo'lishidan qat'i nazar, jamoa hujum qilishdan charchamaydi, tempni ushlab turadi. Gol urilishi vaqt masalasi edi", — dedi ukrainalik futbolchi OAV bilan suhbatda.
Ushbu g'alabadan so'ng Luis Enrike shogirdlari 45 ochko jamg'arib, Liga 1 jadvalida peshqadamlikni saqlab qoldi. Parijliklar "Lans"dan ikki ochko oldinda bormoqda.
“Zamin”ni Telegramʻda oʻqing!
