Yulduz Usmonovaga AQShga kirish taqiqlanib, viza rad etilgani haqida xabarlar tarqaldi.
Shundan soʻng xonanda oʻzining ijtimoiy tarmoqlarida video murojaat bilan chiqib, bu holatga munosabat bildirdi.
U muxlislariga konsert chiptalarini sotib olgani uchun minnatdorlik bildirdi. Shu bilan birga, ayrim fikrlarga javoban oʻz pozitsiyasini ochiq bayon qildi.
Xonanda oʻz qarashlarida qatʼiy ekanini va hech kimdan uzr soʻramasligini taʼkidladi. U oʻz nutqida zoʻravonlikka qarshi ekanini va insonparvarlik tamoyillarini qoʻllab-quvvatlashini aytdi.
Yulduz Usmonova, shuningdek, oʻzini qadimiy xalq va madaniyat vakili sifatida hurmat qilishini bildirgan.
Sanʼatkor qanday holat boʻlishidan qatʼi nazar, ijodni davom ettirishini maʼlum qildi. Uning taʼkidlashicha, u butun insoniyat uchun qoʻshiq kuylashda davom etadi.
“Zamin”ni Telegramʻda oʻqing!
