Futbol eksperti Aleksandr Tochilin «Yevro-Futbol.Ru»ga bergan intervyusida FIFA prezidenti Janni Infantino Rossiyaga qoʻyilgan ban bekor qilinishi mumkinligi haqidagi fikrlari, shuningdek, Xalqaro Olimpiya qoʻmitasi yaqin kelajakda rossiyalik sportchilarga nisbatan barcha sanksiyalarni olib tashlashi mumkinligi borasidagi xabarlarga munosabat bildirdi. Bu haqda euro-football.ru xabar beradi.
Tochilin jahon OAV Milanda oʻtgan yigʻilishda МОК Rossiya sportiga qoʻyilgan cheklovlarni tez orada bekor qilish bo‘yicha prinsipial qarorga kelgani haqida yozayotganini eslatib, bunday ssenariy roʻy berishiga ishonishni istashini aytdi. Uning taʼkidlashicha, bu mavzu anchadan beri muhokamada, Yevropa darajasida aniq qaror bo‘lmas ekan, Rossiyaning sportdagi izolyatsiyasini yechish qiyin.
Ekspert fikricha, Rossiyasiz yirik musobaqalar intriga va ommaboplik jihatidan yutqazadi, buni qaror qabul qiluvchilar ham tushunadi. Shu bois u «gap amalda ham tasdiqlansin» degan umidini bildirdi.
Infantinoning bir necha kun oldin Rossiya jamoalariga qo‘yilgan taqiqni bekor qilish tarafdori bo‘lib chiqqani haqida gapirarkan, Tochilin bu bayonotni dunyodagi umumiy kayfiyat o‘zgarayotgani bilan izohladi. U Rossiyaga nisbatan ikki tomonlama standartlar va xolis bo‘lmagan yondashuv borligini, biroq vaqt o‘tishi bilan ban «mantiqsiz holat» ekani yanada ayon bo‘layotganini qayd etdi.
Tochilin МОК sanksiyalarni olib tashlasa, bu futbolga ham bevosita taʼsir qilib, FIFA va UEFA qarorlarini qayta ko‘rib chiqishiga turtki bo‘lishini aytdi. Uning so‘zlariga ko‘ra, bunday vaziyatda «zanjirli reaksiya» yuzaga keladi: eng kattasi birinchi qadamni qo‘ysa, qolgan tashkilotlar ham ortidan ergashadi.
Infantino kelajakda siyosiy sabablar tufayli jamoalarni musobaqalardan chetlatishni qonunan taqiqlash kerakligini aytgani ham muhokama qilindi. Tochilin sportning asosiy shiori — siyosatdan holi bo‘lishi kerakligini, Rossiyaga nisbatan qabul qilingan qarorlar esa aynan shu tamoyilga zid kelayotganini taʼkidladi.
Shuningdek, OAVda FIFA aprel oyidagi kongressda Rossiyaning xalqaro turnirlarga to‘liq qaytishi masalasini ko‘rib chiqishi mumkinligi haqida ham yozilmoqda. Tochilin bunday muddatlarda qaytish ehtimolini inkor etmadi va agar bunday gaplar yurayotgan bo‘lsa, demak, maʼlumotlar bekorga tarqamayotganini bildirdi.
U Rossiyaga ruxsat berilgandan keyin ham ayrim raqiblar maydonga tushishdan bosh tortishi mumkinligi haqidagi savolga javoban, har bir tashkilotning o‘z reglamenti borligini eslatdi. Reglament buzilsa, sababidan qatʼi nazar, intizomiy choralar qo‘llanishi shartligini aytgan Tochilin, texnik mag‘lubiyatlar belgilansa, bu boshqalarga ham ogohlantiruvchi signal bo‘lishini qo‘shimcha qildi.
“Zamin”ni Telegramʻda oʻqing!
