Mashhur murabbiy Jose Mourinho Benfika klubidan kelib tushgan yangi shartnoma taklifini ko'rib chiqishdan bosh tortdi. Portugaliyalik mutaxassis joriy mavsum yakunlanguniga qadar hech qanday muzokaralar olib bormasligini va barcha masalalarni yakshanba kunidan keyin hal qilishini ma'lum qildi. Bu haqda Goal.com xabar beradi.
Mourinho Diario AS nashriga bergan intervyusida shartnoma taklifi agentiga yuborilganini, ammo u buni o'qib ham ko'rmaganini ta'kidladi. Uning so'zlariga ko'ra, klub har qanday shaxsdan, jumladan murabbiydan ham ustun turadi, shuning uchun vaziyatdan xavotirlanishga hojat yo'q.
Ushbu bayonotlar ortidan mutaxassisning Real Madrid jamoasiga qaytishi mumkinligi haqidagi mish-mishlar yanada kuchaydi. Ispaniya matbuoti Mourinhoni Alvaro Arbeloa o'rnini egallashi mumkin bo'lgan asosiy nomzod sifatida ko'rmoqda.
Kelasi hafta ham murabbiy, ham Benfika uchun hal qiluvchi pallaga aylanadi. Mavsum yakunlangach, tomonlar kelajak borasida yakuniy qarorga kelishlari kutilmoqda. Ayni damda Mourinho barcha e'tiborini jamoasining Estorilga qarshi o'tkazadigan so'nggi o'yiniga qaratgan.
“Zamin”ni Telegramʻda oʻqing!
