Angliya Premer-ligasiga yo‘llanma olgan Coventry jamoasi yangi mavsum uchun transfer rejalarini tuzishni boshladi. Jamoa bosh murabbiyi Frank Lampard o‘z obro‘si va aloqalari orqali tarkibga taniqli futbolchilarni jalb etishni maqsad qilgan. Bu haqda Goal.com xabar beradi.
So‘nggi vaqtlarda Manchester Siti yulduzi Fil Fodenning Coventry jamoasiga ijaraga o‘tishi haqida mish-mishlar tarqaldi. Biroq, klubning sobiq hujumchisi Clinton Morrison bu transfer amalga oshmasligini ta’kidlab, Foden Manchester Siti bilan yangi shartnoma imzolash arafasida ekanini qayd etdi.
Morrisonning fikricha, Frank Lampard Premer-ligada muvaffaqiyat qozonish uchun tajribali futbolchilarga tayanishi kerak. U Ross Barkley kabi Premer-liga tajribasiga ega o‘yinchilarni jamoaga jalb etish variantini istisno qilmadi.
Coventry rahbariyati murabbiyning transfer bozoridagi ambitsiyalarini qo‘llab-quvvatlashga tayyor. Jamoaga Premer-ligada raqobatbardosh bo‘lish uchun kamida besh-olti nafar tajribali himoyachi va yarim himoyachi zarurligi aytilmoqda.
“Zamin”ni Telegramʻda oʻqing!
