Chelsi jamoasining sobiq himoyachisi William Gallas Cole Palmerning 2023-2024-yilgi mavsumdagi muvaffaqiyatidan keyin yuzaga kelgan shov-shuvlarga tanqidiy munosabat bildirdi. Fransiyalik faxriy futbolchining fikricha, yosh hujumchiga bo'lgan talablar juda tez oshib ketgan va bu holat futbolchining o'yiniga salbiy ta'sir ko'rsatmoqda. Bu haqda Goal.com xabar beradi.
Gallasning ta'kidlashicha, Palmer birgina yaxshi mavsumdan so'ng dunyoning eng yaxshi futbolchisi deb e'tirof etilishi noto'g'ri. Uning so'zlariga ko'ra, jamoa hozirda nafaqat hujum chizig'ida, balki himoyada ham jiddiy muammolarga duch kelmoqda va barqarorlikni saqlab qola olmayapti.
Sobiq himoyachi Chelsi rahbariyatiga himoya chizig'ini kuchaytirish uchun Manchester Siti futbolchisi John Stonesni transfer qilishni maslahat berdi. Gallasning fikricha, Stones katta klub bosimiga bardosh bera oladigan va jamoa himoyasini tartibga soladigan tajribali futbolchi hisoblanadi.
Shuningdek, Gallas Marcos Senesi kabi nomzodlarga nisbatan Stonesning tajribasi Chelsi uchun muhimroq ekanligini ta'kidladi. Uning so'zlariga ko'ra, London klubi sovrinlar yutish tajribasiga ega bo'lgan futbolchilarga ko'proq e'tibor qaratishi lozim.
“Zamin”ni Telegramʻda oʻqing!
